Umferðarpæling

Hvað eru mörg hringtorg á leiðinni Akranes-Mosó ????

Veit ekki . Ég er alltaf svo ringluð þegar ég kem út úr Mosó að ég gleymi að telja

Ég rakst á frétt inn á Vísi áðan um tvöföldun Suðurlandsvegar.  Ekki dettur mér í hug að mótmæla því og tek heilshugar undir að þörfin er svo sannarlega til staðar.

EN augnablik...............   Skyldi þörfin ekki vera brýnni norðan Rvk .   Þar,  sem öll umferð Vestur, norður og jafnvel austur á land fer um.....  , dæmi hver fyrir sig.

Ég má til með að gagnrýna fréttamiðla aðeins.  Í hvert skipti sem alvarlegt umferðarslys verður á suðurl.veginum þá kemur alltaf upp frétt um tvöföldun vegarins.  Eins og því sé alltaf um að kenna. Ekki er verra ef þeim tekst að láta það líta þannig út að pólitíkusar beri ábyrgðina .   Það má vel vera, og er mjög líklegt að hugsanlega hefði verið hægt að afstýra einhverjum slysum ef vegurinn væri tvöfaldaður.  En vegurinn er ekki tvöfaldur og það er 90km hámarkshraði á Íslandi og við ökumenn eigum að haga okkur í samræmi við það.......

Ég skora hins vegar á fréttamenn að vera á vesturlandsveginum á annatíma og upplifa umferðina.   Langar bílaraðir með þungaflutningabílum frá göngum og að Mosó. 1-1 vegur alla leiðina, engir ljósastaurar     og athyglisverðast að vegurinn verður ekki tvöfaldur fyrr en komið er í MOSO.

Já ég votta öllum sem eiga ástvin sem farist hefur í umferðarslysi, samúð mína, og tek undir að við eigum að gera kröfur um góða vegi.  En við verðum líka að taka ábyrgð á sjálfum okkur .

Sýnum sjálfum okkur og öðrum virðingu í umferðinni,okkur liggur ekki lífið á.............